km:tipitaka:sut:kn:iti:sut.kn.iti.009

ព្រះត្រៃបិដក » សុត្តន្តបិដក » ខុទ្ទកនិកាយគ » ឥតិវុត្តកៈ » ឯកកនិបាត » បឋមវគ្គ

លោភបរិញ្ញាសូត្រ (៩.)

សង្ខេប

ការ​សម្អាត​សេចក្តី​ប្រាថ្នាដោយលោភៈ ​ពី​ចិត្តចេញ នោះ​ឯង​អាច​រំលត់​ទុក្ខ​បាន។

sut kn iti 009 បាលី cs-km: sut.kn.iti.009 អដ្ឋកថា: sut.kn.iti.009_att PTS: ?

លោភបរិញ្ញាសូត្រ ទី៩

?

បកប្រែពីភាសាបាលីដោយ

ព្រះសង្ឃនៅប្រទេសកម្ពុជា ប្រតិចារិកពី sangham.net ជាសេចក្តីព្រាងច្បាប់ការបោះពុម្ពផ្សាយ

ការបកប្រែជំនួស: មិនទាន់មាននៅឡើយទេ

អានដោយ ព្រះខេមនាគ


ទ. ៨

(៩. លោភបរិញ្ញាសុត្តំ)

[៩] ខ្ញុំ​បាន​ស្ដាប់​មក​ថា ព្រះ​មាន​ព្រះ​ភាគ ទ្រង់​ត្រាស់​ហើយ ព្រះ​អរហន្ត​សំដែង​ហើយ។ ម្នាល​ភិក្ខុ​ទាំង​ឡាយ បុគ្គល​កាល​មិន​ដឹង​ច្បាស់ មិន​កំណត់​ដឹង​នូវ​លោភៈ មិន​ញុាំង​​ចិត្ត​ឲ្យ​នឿយ​ណាយ មិន​លះ​បង់​នូវ​លោភៈ​នោះ មិន​គួរ​ដើម្បី​អស់​ទុក្ខ​បាន​ឡើយ ម្នាល​ភិក្ខុ​ទាំង​ឡាយ បុគ្គល​កាល​ដឹង​ច្បាស់ កំណត់​ដឹង​នូវ​លោភៈ ញុាំង​​ចិត្ត​ឲ្យ​នឿយ​ណាយ លះ​បង់​នូវ​លោភៈ​នោះ​បាន ទើប​គួរ​ដើម្បី​អស់​ទុក្ខ។

លុះ​ព្រះ​មាន​ព្រះ​ភាគ ទ្រង់​សំដែង​សេចក្ដី​នុ៎ះ​ហើយ។ ទ្រង់​ត្រាស់​គាថា​ព័ន្ធ​នេះ ក្នុង​សូត្រ​នោះ​ថា

សត្វ​ទាំង​ឡាយ ជាប់​ហើយ​ព្រោះ​លោភៈ​ណា តែង​ទៅ​កាន់​ទុគ្គតិ សត្វ​ទាំង​ឡាយ អ្នក​ឃើញ​ច្បាស់ ដឹង​ដោយ​បញ្ញា​ដ៏​ប្រពៃ​ហើយ រមែង​លះ​បង់​លោភៈ​នោះ​បាន លុះ​លះ​បង់​បាន​ហើយ មិន​ត្រឡប់​មក​កាន់​លោក​នេះ​ទៀត ក្នុង​កាល​ណា​ឡើយ។

ខ្ញុំ​បាន​ស្ដាប់​មក​ហើយ​ថា សេចក្ដី​នេះ​ឯង ព្រះ​មាន​ព្រះ​ភាគ បាន​ត្រាស់​ទុក​ហើយ។

សូត្រ ទី ៩។

 

km/tipitaka/sut/kn/iti/sut.kn.iti.009.txt · ពេលកែចុងក្រោយ: 2023/03/17 10:15 និពន្ឋដោយ Johann