km:tipitaka:sut:kn:iti:sut.kn.iti.023

ព្រះត្រៃបិដក » សុត្តន្តបិដក » ខុទ្ទកនិកាយគ » ឥតិវុត្តកៈ » ឯកកនិបាត » តតិយវគ្គ

ឧភយត្ថសូត្រ (៣.)

សង្ខេប

សេចក្តី​មិន​ធ្វេ​សប្រហែស ក្នុង​អំពើ​បុណ្យ នាំ​ឲ្យ​បាន​សុខ ក្នុង​លោក​នេះ និង​លោក​ខាង​មុខ។

sut kn iti 023 បាលី cs-km: sut.kn.iti.023 អដ្ឋកថា: sut.kn.iti.023_att PTS: ?

ឧភយត្ថសូត្រ ទី៣

?

បកប្រែពីភាសាបាលីដោយ

ព្រះសង្ឃនៅប្រទេសកម្ពុជា ប្រតិចារិកពី sangham.net ជាសេចក្តីព្រាងច្បាប់ការបោះពុម្ពផ្សាយ

ការបកប្រែជំនួស: មិនទាន់មាននៅឡើយទេ

អានដោយ ឧបាសិកា វិឡា ដោយ ឧបាសិកា វិឡា sut.kn.iti.023.gif


ទ. ២៣

(៣. ឧភយត្ថសុត្តំ)

[២៣] ខ្ញុំ​បាន​ស្ដាប់​មក​ថា ព្រះ​មាន​ព្រះ​ភាគ ទ្រង់​ត្រាស់​ហើយ ព្រះ​អរហន្ត​សំដែង​ហើយ។ ម្នាល​ភិក្ខុ​ទាំង​ឡាយ ធម៌ ១ ដែល​បុគ្គល​ចំរើន​ហើយ ធ្វើ​ឲ្យ​រឿយៗ​ហើយ រមែង​បាន​ប្រយោជន៍​ទាំង ២ គឺ​ប្រយោជន៍​ក្នុង​បច្ចុប្បន្ន ១ ប្រយោជន៍​ក្នុង​បរលោក ១។ ធម៌ ១ តើ​ដូច​ម្ដេច។ គឺ​សេចក្ដី​មិន​ប្រមាទ ក្នុង​កុសល​ធម៌​ទាំង​ឡាយ។ ម្នាល​ភិក្ខុ​ទាំង​ឡាយ នេះ​ជា​ធម៌ ១ ដែល​បុគ្គល​ចំរើន​ហើយ ធ្វើ​ឲ្យ​រឿយ ៗ ហើយ រមែង​បាន​ប្រយោជន៍​ទាំង ២ គឺ​ប្រយោជន៍​ក្នុង​បច្ចុប្បន្ន ១ ប្រយោជន៍​ក្នុង​បរលោក ១។

លុះ​ព្រះ​មាន​ព្រះ​ភាគ ទ្រង់​សំដែង​សេចក្ដី​នុ៎ះ​ហើយ។ ទ្រង់​ត្រាស់​គាថា​ព័ន្ធ​នេះ​ក្នុង​សូត្រ​នោះ​ថា

បណ្ឌិត​ទាំង​ឡាយ តែង​សរសើរ​សេចក្ដី​មិន​ប្រមាទ​ក្នុង​បុញ្ញ​កិរិយា​វត្ថុ​ទាំង​ឡាយ បណ្ឌិត​មិន​ប្រមាទ​ហើយ រមែង​បាន​ប្រយោជន៍​ទាំង ២ គឺ​ប្រយោជន៍​ក្នុង​បច្ចុប្បន្ន ១ ប្រយោជន៍​ក្នុង​បរលោក ១ អ្នក​មាន​ប្រាជ្ញា ព្រោះ​បាន​ប្រយោជន៍​ទាំង ២ ទើប​ហៅ​ថា​ជា​បណ្ឌិត។

ខ្ញុំ​បាន​ស្ដាប់​មក​ហើយ​ថា សេចក្ដី​នេះ​ឯង ព្រះ​មាន​ព្រះ​ភាគ បាន​ត្រាស់​ទុក​ហើយ។

សូត្រ ទី ៣។

 

km/tipitaka/sut/kn/iti/sut.kn.iti.023.txt · ពេលកែចុងក្រោយ: 2023/03/17 10:15 និពន្ឋដោយ Johann