km:tipitaka:sut:kn:iti:sut.kn.iti.053

ព្រះត្រៃបិដក » សុត្តន្តបិដក » ខុទ្ទកនិកាយគ » ឥតិវុត្តកៈ » តិកនិបាត » បឋមវគ្គ

ទុតិយវេទនាសូត្រ (៤.)

សង្ខេប

(បន្ថែមការពិពណ៌នាអំពីសូត្រនៅទីនេះ)

sut kn iti 053 បាលី cs-km: sut.kn.iti.053 អដ្ឋកថា: sut.kn.iti.053_att PTS: ?

ទុតិយវេទនាសូត្រ ទី៤

?

បកប្រែពីភាសាបាលីដោយ

ព្រះសង្ឃនៅប្រទេសកម្ពុជា ប្រតិចារិកពី sangham.net ជាសេចក្តីព្រាងច្បាប់ការបោះពុម្ពផ្សាយ

ការបកប្រែជំនួស: មិនទាន់មាននៅឡើយទេ

អានដោយ (គ្មានការថតសំលេង៖ ចង់ចែករំលែកមួយទេ?)


ទ. ៦២

(៤. ទុតិយវេទនាសុត្តំ)

[៥៣] ខ្ញុំ​បាន​ស្ដាប់​មក​ថា ពាក្យ​នុ៎ះ ព្រះ​មាន​ព្រះ​ភាគ ទ្រង់​ត្រាស់​ហើយ ព្រះ​អរហន្ត​សំដែង​ហើយ។ ម្នាល​ភិក្ខុ​ទាំង​ឡាយ វេទនា​នេះ មាន ៣។ វេទនា ៣ តើ​ដូច​ម្ដេច។ គឺ​សុខវេទនា ១ ទុក្ខវេទនា ១ អទុក្ខមសុខវេទនា ១។ ម្នាល​ភិក្ខុ​ទាំង​ឡាយ បុគ្គល​គប្បី​ឃើញ​នូវ​សុខវេទនា ថា​ជា​ទុក្ខ គប្បី​ឃើញ​នូវ​ទុក្ខ​វេទនា ថា​ជា​ព្រួញ​ គប្បី​ឃើញ​នូវ​អទុក្ខមសុខវេទនា ថា​ជា​របស់​មិន​ទៀង។ ម្នាល​ភិក្ខុ​ទាំង​ឡាយ កាល​បើ​ភិក្ខុ​ឃើញ​សុខវេទនា ថា​ជា​ទុក្ខ ឃើញទុក្ខវេទនា ថា​ជា​ព្រួញ​ ឃើញ​អទុក្ខមសុខវេទនា ថា​ជា​របស់​មិន​ទៀង​ហើយ ម្នាល​ភិក្ខុ​ទាំង​ឡាយ នេះ​ហៅ​ថា ភិក្ខុ​ប្រសើរ ឃើញត្រូវ ផ្ដាច់​បង់​តណ្ហា ដោះ​ស្រាយ​សំយោជនៈ ធ្វើ​នូវ​ទី​បំផុត​នៃ​ទុក្ខ​បាន ព្រោះ​យល់​ច្បាស់​នូវ​មានះ​ដោយ​ប្រពៃ។

លុះ​ព្រះ​មាន​ព្រះ​ភាគ ទ្រង់​សំដែង​សេចក្ដី​នុ៎ះ​ហើយ។ ទ្រង់​ត្រាស់​គាថា​ព័ន្ធ​នេះ ក្នុង​សូត្រ​នោះ​ថា

ភិក្ខុ​ណា បាន​ឃើញ​សុខវេទនា ថា​ជា​ទុក្ខ បាន​ឃើញ​ទុក្ខវេទនា ថា​ជា​ព្រួញ​ បាន​ឃើញ​អទុក្ខមសុខវេទនា ជា​ទី​ស្ងប់​នោះ ថា​ជា​របស់​មិន​ទៀង ភិក្ខុ​នោះ​ឯង ឃើញ (វេទនា​ទាំង ៣) ដោយ​ប្រពៃ រមែង​រួច​ស្រឡះ​ក្នុង​វេទនា ដោយ​ការ​សង្រួម​កាយ វាចា ចិត្ត ភិក្ខុ​នោះ​ឯង មាន​ព្រហ្មចរិយៈ​ប្រព្រឹត្ត​រួច​ហើយ ព្រោះ​ត្រាស់​ដឹង ជា​អ្នក​ស្ងប់​រម្ងាប់ ជា​មុនី កន្លង​ផុត​នូវ​យោគៈ។

ខ្ញុំ​បាន​ស្ដាប់​មក​ហើយ​ថា សេចក្ដី​នេះ​ឯង ព្រះ​មាន​ព្រះ​ភាគ បាន​ត្រាស់​ទុក​ហើយ។

សូត្រ ទី ៤។

 

km/tipitaka/sut/kn/iti/sut.kn.iti.053.txt · ពេលកែចុងក្រោយ: 2023/03/17 10:15 និពន្ឋដោយ Johann