km:tipitaka:sut:kn:iti:sut.kn.iti.073

ព្រះត្រៃបិដក » សុត្តន្តបិដក » ខុទ្ទកនិកាយគ » ឥតិវុត្តកៈ » តិកនិបាត » តតិយវគ្គ

សន្តតរសូត្រ (៤.)

សង្ខេប

ព្រះពុទ្ធ​សម្តែង​នូវ​បទ ដែល​ជា​ដំណើរ​ទៅ​កាន់​ក្សេម​ក្សាន្ត។

sut kn iti 073 បាលី cs-km: sut.kn.iti.073 អដ្ឋកថា: sut.kn.iti.073_att PTS: ?

សន្តតរសូត្រ ទី៤

?

បកប្រែពីភាសាបាលីដោយ

ព្រះសង្ឃនៅប្រទេសកម្ពុជា ប្រតិចារិកពី sangham.net ជាសេចក្តីព្រាងច្បាប់ការបោះពុម្ពផ្សាយ

ការបកប្រែជំនួស: មិនទាន់មាននៅឡើយទេ

អានដោយ ឧបាសិកា វិឡា

(៤. សន្តតរសុត្តំ)

[៧៣] ខ្ញុំ​បាន​ស្ដាប់​មក​ថា ពាក្យ​នុ៎ះ ព្រះ​មាន​ព្រះ​ភាគ ទ្រង់​ត្រាស់​ហើយ ព្រះ​អរហន្ត​សំដែង​ហើយ។ ម្នាល​ភិក្ខុ​ទាំង​ឡាយ អរូបជ្ឈាន ជា​ធម្មជាត​ល្អិត​ជាង​រូបជ្ឈាន​ទាំង​ឡាយ និរោធ ជា​សភាព​ល្អិត​លើស​ជាង​អរូបជ្ឈាន​ទាំង​ឡាយ។

លុះ​ព្រះ​មាន​ព្រះ​ភាគ ទ្រង់​សំដែង​សេចក្ដី​នុ៎ះ​ហើយ។ ទ្រង់​ត្រាស់​គាថា​ព័ន្ធ​នេះ ក្នុង​សូត្រ​នោះ​ថា

ពួក​សត្វ​ណា ដែល​ទៅ​កាន់​រូបភព​ក្ដី ពួក​សត្វ​ណា ដែល​តាំង​នៅ​ក្នុង​អរូបភព​ក្ដី (សត្វ​ទាំង​នោះ​) មិន​ដឹង​ច្បាស់​នូវ​និរោធ ជា​អ្នក​មក​កាន់​ភព​ថ្មី​ទៀត។ ពួក​ជន​ណា កំណត់​ដឹង​នូវ​រូបភព​ទាំង​ឡាយ​ក្ដី មិន​តាំង​នៅ​ក្នុង​អរូបភព​ទាំង​ឡាយ​ក្ដី ហើយ​ចុះ​ចិត្ត​ស៊ប់ ក្នុង​និរោធ ពួក​ជន​នោះ ឈ្មោះ​ថា អ្នក​មាន​មច្ចុ​សាបសូន្យ​ហើយ។ ព្រះ​សម្មាសម្ពុទ្ធ ព្រះ​អង្គ​បាន​នូវ​អមត​ធាតុ ដោយ​នាម​កាយ ព្រះ​អង្គ​មិន​មាន​ឧបធិ បាន​ធ្វើ​ឲ្យ​ជាក់​ច្បាស់​នូវ​ធម៌ ជា​គ្រឿង​រលាស់​ចេញ​ចាក​ឧបធិ ព្រះ​អង្គ​មិន​មាន​អាសវៈ ទ្រង់​សំដែង​នូវ​បទ ដែល​មិន​មាន​សោក មិន​មាន​ធូលី។

ខ្ញុំ​បាន​ស្ដាប់​មក​ហើយ​ថា សេចក្ដី​នេះ​ឯង ព្រះ​មាន​ព្រះ​ភាគ បាន​ត្រាស់​ទុក​ហើយ។

សូត្រ ទី ៤។

 

km/tipitaka/sut/kn/iti/sut.kn.iti.073.txt · ពេលកែចុងក្រោយ: 2023/03/17 10:15 និពន្ឋដោយ Johann