[២៩៥] អាត្មា​អញ មិន​បាន​សេចក្ដីស្ងប់​រម្ងាប់​ចិត្ត មិន​លុះ​ក្នុង​អំណាចភាវនា​ចិត្ត បាន​ចេញ​ទៅ​ខាង​ក្រៅ​អំពីលំនៅ ៤ ដង ៥ ដង។ អាត្មា​អញ​នោះ បាន​ចូល​ទៅ​រកភិក្ខុ​នី ដែល​អាត្មា​អញគួរ​ជឿ (បដាចារាថេរី) ភិក្ខុ​នីនោះ បាន​សំដែងធម៌ គឺ ខន្ធ អាយ​តនៈ ធាតុ ដល់​អាត្មា​អញ។ លុះ​អាត្មា​អញ បាន​ស្ដាប់​ធម៌​របស់​លោក តាមទំនង​ដែល​លោកបាន​ប្រៀនប្រដៅ អាត្មា​អញក៏ឆ្អែត​ដោយ​បីតិ និងសុខៈ អង្គុយលើ​បល្ល័ង្ក​មួយ អស់ ៧ ថ្ងៃ។ ក្នុង​ថ្ងៃទី ៨ អាត្មា​អញ​បាន​ទំលាយគំនរងងឹត គឺ​មោហៈ ហើយ​សណ្ដូកជើង​ទាំង​គូ។