km:tipitaka:sut:kn:thi:sut.kn.thi.06.01

បដាចារាថេរី ៥០០

សង្ខេប

(បន្ថែមការពិពណ៌នាអំពីសូត្រនៅទីនេះ)

sut kn thi 06 01 បាលី cs-km: sut.kn.thi.06.01 អដ្ឋកថា: sut.kn.thi.06.01_att PTS: ?

បដាចារាថេរី ៥០០

?

បកប្រែពីភាសាបាលីដោយ

ព្រះសង្ឃនៅប្រទេសកម្ពុជា ប្រតិចារិកពី sangham.net ជាសេចក្តីព្រាងច្បាប់ការបោះពុម្ពផ្សាយ

ការបកប្រែជំនួស: មិនទាន់មាននៅឡើយទេ

អានដោយ (គ្មានការថតសំលេង៖ ចង់ចែករំលែកមួយទេ?)

(១. បញ្ចសតមត្តាថេរីគាថា)

[៣១៥] នាងមិន​ដឹងផ្លូវ​របស់​សត្វណា ដែល​មក ឬទៅ​ទេ ហើយយំរកកូន ដែល (មិន​ដឹងជា) មក​អំពី​ទីណានោះ​ថា ឱកូនអាត្មា​អញអើយ។ ទុក​ជានាងដឹងផ្លូវ​របស់​កូន​នោះ ដែល​មក ឬទៅ ក៏​មិន​គប្បី​សោករកកូននោះ​ឡើយ ព្រោះសត្វមាន​យ៉ាង​នេះ​ជា​ធម្មតា។ (សត្វនោះ​) មិន​មាន​អ្នក​ណា​មួយអង្វរ​ឲ្យ​មក​អំពី​បរលោក​នោះ ទាំង​មិន​មាន​អ្នក​ណា​មួយ អនុញ្ញាតឲ្យ​ទៅ​អំពីលោក​នេះ​ឡើយ ទំនងជាមក​អំពី​ទីណា​មួយ (មាន​នរក​ជាដើម) មកអាស្រ័យនៅ (ក្នុង​ទីនេះ​) អស់​ពីរបីថ្ងៃ។ សត្វសូម្បីទៅ​អំពីភពនេះ មកកាន់​ភពដទៃ ទៅ​អំពីភពនោះ ទៅ​កាន់​ភពដទៃ ចែកឋានទៅ​ហើយ ដោយ​សភាពជា​មនុស្ស នឹងអន្ទោលទៅ បើមក​យ៉ាង​ណា ក៏ទៅ​យ៉ាង​នោះ ការ​ខ្សឹកខ្សួល ព្រោះ​តែសត្វនោះ មាន​ប្រយោជន៍អ្វី។

លោកម្ចាស់​បានដកព្រួញ គឺសេចក្ដីសោក ដែល​ឃើញ​ដោយ​កម្រ អាស្រ័យ​នូវ​ហ្ឫទ័យ​របស់​ខ្ញុំ លោកម្ចាស់​បាន​បន្ទោបង់​សេចក្ដីសោកព្រោះកូន​របស់​ខ្ញុំ ដែល​ត្រូវ​សេចក្ដីសោក​គ្រប​សង្កត់​ហើយ។ទ. ១៧០ ក្នុង​ថ្ងៃ​នេះ ខ្ញុំ​នោះ​មាន​ព្រួញដក​ហើយ មិន​មាន​សម្រេកគំលាន មាន​ទុក្ខរលត់​ហើយ ខ្ញុំ​សូមដល់​នូវ​ព្រះ​ពុទ្ធ ជា​អ្នក​ប្រាជ្ញផង ព្រះ​ធម៌ផង ព្រះ​សង្ឃ​ផង ជា​សរណៈ។

បដាចារាថេរី ៥០០។1)

 

លេខយោង

1)
បានជាហៅ​បដាចារាដែរ ព្រោះបានស្តាប់​ឱវាទ​របស់​នាងបដាចារាថេរី។
km/tipitaka/sut/kn/thi/sut.kn.thi.06.01.txt · ពេលកែចុងក្រោយ: 2023/04/02 02:18 និពន្ឋដោយ Johann